ទំព័រដើម >> ពិសាគ្រឿងស្រវឹងក្នុងកម្រិតមធ្យមដើម្បីសុខភាព
ទំព័រដើម >> ពិសាគ្រឿងស្រវឹងក្នុងកម្រិតមធ្យមដើម្បីសុខភាព
នៅលើអត្ថបទនេះ
បើតាមបែបវិទ្យាសាស្រ្ត មនុស្សពេញវ័យភាគច្រើនដែលជ្រើសរើសពិសាគ្រឿងស្រវឹងក្នុងកម្រិតមធ្យមអាចជាផ្នែកមួយដែលធ្វើឱ្យជីវិតរស់នៅប្រចាំថ្ងៃ មានសុខភាពល្អ។ សរុបមក អ្នកពិសាគ្រឿងស្រវឹងកម្រិតមធ្យមយ៉ាងហោចណាស់ក៏អាចរស់នៅបានយូរដូចអ្នកដែលមិនពិសាដែរ ហើយពួកគេមានហានិភ័យទាបចំពោះជំងឺទូទៅ។
គន្លឹះសម្រាប់ការឆ្ពោះទៅរកការពិសាគ្រឿងស្រវឹងក្នុងកម្រិតមធ្យមគឺការដឹងច្បាស់ថាតើអ្នកបានពិសាច្រើនប៉ុណ្ណា និងដឹងពីដែនកំណត់របស់អ្នក ហើយក៏សំខាន់ផងដែរក្នុងការដឹងថាតើពេលណាមិនគួរពិសា។ ការពិសាគ្រឿងស្រវឹងក្នុងកម្រិតមធ្យម ក៏មានន័យថាជាការយល់ដឹងពីផលប៉ះពាល់ពីការពិសារបស់អ្នកទៅកាន់អ្នកដែលនៅជុំវិញខ្លួន។
ផ្នែកនេះផ្តល់នូវចំណុចមួយចំនួនដើម្បីឱ្យអ្នកចងចាំនៅពេលសម្រេចចិត្តពិសាគ្រឿងស្រវឹង មិនថាជាការពិសាក្នុងជីវិតប្រចាំថ្ងៃ នៅពេលអ្នកចេញទៅក្រៅ ឬក្នុងឱកាសពិសេសណាក៏ដោយ។
ការសិក្សាអំពីគ្រឿងស្រវឹងបានរកឃើញថា ការពិសាគ្រឿងស្រវឹងកម្រិតមធ្យមអាចជាផ្នែកមួយដែលធ្វើឱ្យមានសុខភាពល្អសម្រាប់មនុស្សពេញវ័យដែលមានសុខភាពល្អភាគច្រើន។ [i][ii]
ជាមធ្យម អ្នកពិសាគ្រឿងស្រវឹងកម្រិតមធ្យម រស់នៅយ៉ាងហោចណាស់បានយូរដូចមនុស្សដែលមិនពិសាគ្រឿងស្រវឹង ហើយអាចមានហានិភ័យទាបចំពោះការវិវត្តទៅជាជំងឺសរសៃឈាមបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម។ [iii][iv]
ជាទូទៅ ហានិភ័យរបស់បុគ្គលណាមួយអាស្រ័យទៅលើកត្តាជាច្រើន មិនត្រឹមតែអាស្រ័យលើការពិសាគ្រឿងស្រវឹងប៉ុណ្ណោះទេ ហើយប្រសិនបើអ្នកមានសំណួរអំពីឥទ្ធិពលនៃការពិសាគ្រឿងស្រវឹងចំពោះអ្នកជាក់ស្ដែង សូមពិគ្រោះជាមួយគ្រូពេទ្យជំនាញ។
[i] Mostofsky, E. et al. Key findings on alcohol consumption and a variety of health outcomes from the Nurses’ Health Study. Am J Public Health, 2016.106:1586-91
[ii] Loef, M. & Walach, H. The combined effects of healthy lifestyle behaviors on all-cause mortality: A systematic review and meta-analysis. Preventive Medicine, 2012. 55: 163-170.
[iii] Li, Y. et al. Healthy lifestyle and life expectancy free of cancer, cardiovascular disease, and type 2 diabetes: prospective cohort study. BMJ, 2020. 368: I6669.
[iv] Boden-Albala, B. & Sacco, R.L. Lifestyle factors and stroke risk: exercise, alcohol, diet, obesity, smoking, drug use, and stress. Curr Atheroscler Rep, 2000. 2:160-6.
អ្នកពិសាគ្រឿងស្រវឹងពេញវ័យមួយចំនួនបានយល់ពីបទពិសោធផ្ទាល់ខ្លួនអំពីការពិសាគ្រឿងស្រវឹង និងហានិភ័យក្នុងស្ថានភាពដែលប្រឈមនឹងគ្រោះថ្នាក់ផ្សេងៗ ប៉ុន្តែមនុស្សជាច្រើនផ្សេងទៀតនៅមិនទាន់យល់នោះទេ។ មិនថាអ្នកគិតថាអ្នកដឹងពីដែនកំណត់ផ្ទាល់ខ្លួន ឬអត់នោះទេ ព័ត៌មានទាំងនេះអាចជួយអ្នកក្នុងការធ្វើការសម្រេចចិត្ត អំពីការពិសាគ្រឿងស្រវឹង និងវិធីកាត់បន្ថយហានិភ័យនានា។
ប៉ុន្តែមានរឿងមួយចំនួនទៀតដែលអ្នកត្រូវដឹងជាមុន បើទោះបីជាការពិសារបស់អ្នកមានកម្រិតមធ្យមក៏ដោយ។
ការផឹកកាហ្វេ ភេសជ្ជៈដែលមានជាតិកាហ្វេអ៊ីនផ្សេងទៀត ឬភេសជ្ជៈប៉ូវកម្លាំង នឹងមិនធ្វើឱ្យអ្នកស្វាងឡើយខណៈពេលអ្នកកំពុងផឹក។ វាក៏នឹងមិនធ្វើឲ្យអ្នកស្វាងបន្ទាប់ពីការផឹកគ្រឿងស្រវឹងច្រើនដែរ។
មធ្យោបាយតែមួយគត់ដើម្បីរក្សាភាពស្វាងគឺមិនត្រូវផឹក ឬពិសាក្នុងកម្រិតមធ្យមនោះទេ។ ហើយវិធីតែមួយគត់ដើម្បីស្វាងគឺត្រូវរង់ចាំ!អាស្រ័យលើចំនួនដែលអ្នកបានផឹក អ្នកប្រហែលជានៅ តែមាន ជាតិអាល់កុលក្នុងឈាមរបស់អ្នកមួយថ្ងៃបន្ទាប់ ពីផឹក ហើយ ថែមទាំងអាចលើសពីដែនកំណត់ BAC ស្រប ច្បាប់សម្រាប់ ការបើកបរ។
ព័ត៌មានមានប្រយោជន៍មួយចំនួនអាចជួយអ្នកឱ្យយល់ពីដែនកំណត់ផ្ទាល់ខ្លួន និងបរិមាណដែលអ្នកអាចពិសាដោយមិនស្រវឹង។
“ការពិសាគ្រឿងស្រវឹងក្នុងកម្រិតមធ្យម” គឺជាការណែនាំដ៏មានប្រយោជន៍បំផុតសម្រាប់តាមដានថាតើអ្នកកំពុងទទួលទានគ្រឿងស្រវឹងអស់ច្រើនប៉ុណ្ណា ហើយអាចជួយអ្នកក្នុងការរាប់ចំនួនទទួលទានផងដែរ។
ភ្នាក់ងារសុខភាពតាមបណ្តាប្រទេសជុំវិញពិភពលោកក៏មានការណែនាំសម្រាប់ពលរដ្ឋពួកគេ ដើម្បីជួយឱ្យយល់អំពីដែន កំណត់នៃការពិសាគ្រឿងស្រវឹង។ ការអនុលោមតាមគោលការណ៍ណែនាំទាំងនេះអាចជួយកាត់បន្ថយហានិភ័យសុខភាពដែលអាចកើតមាន។ គោលការណ៍ណែនាំទាំងនេះ មានភាពខុសគ្នាពីប្រទេសមួយទៅប្រទេសមួយ ហើយវាជាការល្អបំផុតក្នុងការយល់ដឹងពីគោលការណ៍ណែនាំរបស់រដ្ឋាភិបាលក្នុងប្រទេសរបស់អ្នក។
សម្រាប់មនុស្សមួយចំនួន ជម្រើសល្អបំផុតគឺមិនត្រូវពិសាគ្រឿងស្រវឹងតែម្ដង ដើម្បីជៀសវាងហានិភ័យរងរបួស ឬបញ្ហាសុខភាពនានា ជាពិសេសមនុស្សដែល៖
មនុស្សដែលស្ថិតក្នុងស្ថានភាពខាងក្រោមនេះគួរចៀសវាងការពិសាគ្រឿងស្រវឹង៖
ចំណុចដែលត្រូវពិចារណាទាំងអស់នេះ ភាគច្រើនមាននៅក្នុងគោលការណ៍ណែនាំស្ដីពីការពិសាគ្រឿងស្រវឹង។
អ្នកមិនគួរពិសាគ្រឿងស្រវឹងដើម្បី៖
ការជ្រើសរើសជាអ្នកពិសាគ្រឿងស្រវឹងប្រកបដោយការទទួលខុសត្រូវ មានន័យថា ជាការពិសាក្នុងកម្រិតមធ្យម និងជៀសវាងស្ថានភាពដែលអាចបង្កហានិភ័យ និងគ្រោះថ្នាក់ផ្សេងៗ ហើយក៏មានន័យថាជាការយល់ដឹងពីផលប៉ះពាល់ដល់អ្នកជុំវិញ។
ការយល់ដឹងបែបនេះមានសារៈសំខាន់ណាស់ ជាពិសេសនៅពេលដែលអ្នកស្ថិតក្នុងស្ថានភាពអំណោយផលដល់ការពិសាគ្រឿងស្រវឹងច្រើនហួសកម្រិត។ នេះគឺជាសេចក្ដីណែនាំជាមូលដ្ឋានមួយចំនួនដែលអាចជួយអ្នកក្នុងការគ្រប់គ្រងកម្រិតទទួលទានរបស់អ្នក។
ការពិសាគ្រឿងស្រវឹងអាចប៉ះពាល់ដល់ទំនាក់ទំនងរបស់អ្នកជាមួយមនុស្សផ្សេងទៀត។ នៅពេលអ្នកស្រវឹង អ្នកអាចយល់ឃើញពីស្ថានភាពផ្សេងខុសពីធម្មតា និងធ្វើការសម្រេចចិត្តផ្សេងៗមិនបានត្រឹមត្រូវ ដែលអាចធ្វើឲ្យអ្នក ឬអ្នកដែលនៅជុំវិញអ្នក ប្រឈមនឹងគ្រោះថ្នាក់។
អ្នកដែលពិសាច្រើនហួសកម្រិតអាចនឹងផ្លាស់ប្តូរបុគ្គលិកលក្ខណៈរបស់ពួកគេ។[i] អាកប្បកិរិយាហិង្សា អាចនឹងជាប់ពាក់ព័ន្ធជាមួយស្ថានភាពសុខភាពផ្លូវចិត្ត[ii] ហើយអាចធ្វើឲ្យកាន់តែធ្ងន់ធ្ងរដោយការពិសាគ្រឿងស្រវឹងច្រើនហួសកម្រិត។[iii] អំពើហិង្សាក៏កើតឡើងផងដែរនៅពេលមិនបានពិសាគ្រឿងស្រវឹង ប៉ុន្តែគ្រឿងស្រវឹងមិនមែនជាលេសដែលអាចទទួលយកបាននោះទេប្រសិនបើមានអំពើហិង្សាកើតឡើង។
មនុស្សដែលកំពុងជួបប្រទះបញ្ហាទាំងនេះនៅក្នុងខ្លួន ឬមនុស្សជាទីស្រលាញ់របស់ពួកគេ សូមស្វែងរកជំនួយពីអ្នកជំនាញ ឬក្រុមជំនួយ។
[i] Luchetti, M. et al. Alcohol use and personality change in middle and older adulthood findings from the Health and Retirement Study. J Pers, 2018. 86: 1003-1016.
[ii] Whiting, D. et al. Violence and mental disorders: a structured review of associations by individual diagnoses, risk factors, and risk assessment. Lancet Psychiatry. 2021. 8:150-161.
[iii] Castillo-Carniglia, A. et al. Psychiatric comorbidities in alcohol use disorder. Lancet Psychiatry, 2019. 6: 1068-1080.
ការពិសាគ្រឿងស្រវឹងប្រកបដោយការទទួលខុសត្រូវអាស៊ីប៉ាស៊ីហ្វិក ផ្តល់នូវព័ត៌មានពីទិដ្ឋភាពទូទៅនៃទំនាក់ទំនងរវាងការពិសាគ្រឿងស្រវឹង និងសុខភាព និងប្រធានបទពាក់ព័ន្ធផ្សេងទៀត ដើម្បីគាំទ្រអ្នកទទួលទានក្នុងការកាត់បន្ថយការពិសាគ្រឿងស្រវឹងមកនៅត្រឹមកម្រិតមធ្យម។ សម្រាប់អ្នកដែលចង់ស្វែងយល់បន្ថែម គេហទំព័រខាងក្រោមនឹងផ្តល់ព័ត៌មានបន្ថែម។ ប្រភពទាំងនេះភាគច្រើនមានជាភាសាអង់គ្លេសតែប៉ុណ្ណោះ។ មួយចំនួនត្រូវបានបង្កើតឡើងដោយរដ្ឋាភិបាល រីឯប្រភពខ្លះទៀតត្រូវបានគាំទ្រដោយតួអង្គក្នុងឧស្សាហកម្មគ្រឿងស្រវឹងដើម្បីគាំទ្រដល់ការកាត់បន្ថយការពិសាគ្រឿងស្រវឹងហួសកម្រិត។
Alcohol/s Effects on the Body, US National institute on Alcohol Abuse and Alcoholism (NIAAA)
Rethinking Drinking: Alcohol and Your Health, US National institute on Alcohol Abuse and Alcoholism (NIAAA)
Alcohol Misuse, UK National Health Service
Alcohol, Australian Government
Health New Zealand, New Zealand government
Drinkaware, UK
Drinkwise, Australia
DRINKiQ, Diageo plc (international and available in multiple languages)
IARD Reviews, International Alliance for Responsible Drinking (for comprehensive reviews of the science on a range of topics)
សម្រាប់មនុស្សជាច្រើន ការពិសាក្នុងកម្រិតមធ្យមអាចជាផ្នែកមួយនៃជីវិតរស់នៅដែលមានសុខភាពល្អ ដែលរួមទាំងការញ៉ាំអាហារដែលមានសុខភាពល្អ ទម្លាប់ហាត់ប្រាណ និងមិនជក់បារី។ ការពិសាច្រើនហួសកម្រិតនឹងមិននាំទៅរកសុខភាពល្អឡើយ ហើយមនុស្សមួយចំនួនគួរពិចារណាកុំពិសាប្រសិនបើពួកគេមានបញ្ហាសុខភាពស្រាប់។
ស្រាបៀរ និងស្រាប្រភេទផ្សេងៗ គឺសុទ្ធតែមានជាតិអាល់កុល។ ហើយការពិសាគ្រឿងស្រវឹងក្នុងកម្រិតមធ្យមនីមួយៗមានបរិមាណជាតិអាល់កុលដូចគ្នា។ វាគឺជាបរិមាណគ្រឿងស្រវឹងប៉ុន្មានដែលអ្នកបានទទួលទាន មិនមែនអាស្រ័យលើប្រភេទស្រាដែលអ្នកពិសានោះទេ ដែលកំណត់ថាមានឥទ្ធិពលលើអ្នកឬអត់។
មិនមានអ្វីដែលអ្នកអាចធ្វើបានដើម្បីពន្លឿនល្បឿនឱ្យស្វាងពីការស្រវឹងនោះទេ។ រឿងតែមួយគត់ដែលត្រូវធ្វើគឺត្រូវរង់ចាំ។
ប្រទេសនីមួយៗកំណត់ដែនកំណត់ និងគោលការណ៍ណែនាំរបស់ខ្លួន ដើម្បីជូនដំណឹងដល់ពលរដ្ឋរបស់ខ្លួនបានល្អបំផុត។ គោលការណ៍ណែនាំមានភាពស៊ីសង្វាក់គ្នា ប៉ុន្តែប្រែប្រួលខ្លះដែលជាការឆ្លុះបញ្ចាំងពីវប្បធម៌ និងទំនៀមទម្លាប់ក្នុងស្រុក។
ប្រភពនៅលើវ៉ិបសាយថ៍នេះមិនមានបំណងជាដំបូន្មានសុខភាពសម្រាប់បុគ្គលនោះទេ។ អ្នកដែលមានសំណួរជាក់លាក់អំពី ការសេពគ្រឿងស្រវឹងត្រូវបានលើកទឹកចិត្តឱ្យពិគ្រោះជាមួយអ្នកជំនាញថែទាំសុខភាព។ ជាមួយគ្នា ពួកគេអាចកំណត់នូវអ្វីដែលល្អបំផុតសម្រាប់បុគ្គលនោះ ដោយផ្អែកលើកត្តាហានិភ័យបុគ្គល រួមទាំងប្រវត្តិគ្រួសារ ហ្សែន និងរបៀបរស់នៅ។ សម្រាប់មនុស្សមួយចំនួន ជម្រើសល្អប្រហែលជាមិនពិសាទាល់តែសោះ។
© 2025 __ Copyright. Developed by Ruder Finn ERA
