Author: era-admin

ទំព័រដើម >> តើការពិសាគ្រឿងស្រវឹងរបស់អ្នកមានហានិភ័យយ៉ាងដូចម្ដេច? តើការពិសាគ្រឿងស្រវឹងរបស់អ្នកមានហានិភ័យយ៉ាងដូចម្ដេច? នៅលើអត្ថបទនេះ 4.0 សេចក្តីផ្តើម 4.1 តើការពិសាស្រាមានហានិភ័យមានន័យដូចម្តេច? 4.2 ការវាយតម្លៃហានិភ័យរបស់អ្នក 4.3 កន្លែងដែលត្រូវទទួលបានជំនួយ ៤. សេចក្តីផ្តើម តើ​អ្នក​ធ្លាប់​ស្ដាយ​ក្រោយ​ពេលបាន​ពិសាគ្រឿងស្រវឹងកាលពី​យប់ម្សិលមិញ​ទេ? តើមាន​អ្នក​ណា​ប្រាប់​អ្នក​ថា ​អ្នក​ប្រហែល​ជា​ពិសា​គ្រឿងស្រវឹងច្រើន​ពេកដែររឺទេ? តើ​អ្នកធ្លាប់បង្ក​របួស​ខ្លួន​ឯង ឬ​អ្នក​ផ្សេង​ដោយ​សារ​តែ​អ្នក​ពិសាគ្រឿងស្រវឹងដែររឺ​ទេ? ប្រសិនបើអ្នកបានឆ្លើយថា បាទ ឬ ចាស ចំពោះសំណួរទាំងនេះ នោះទម្លាប់នៃការពិសាគ្រឿងស្រវឹងរបស់អ្នកអាចកំពុងមានហានិភ័យ។ ផ្នែកនេះមានគោលបំណងជួយអ្នកវាយតម្លៃការពិសាគ្រឿងស្រវឹងរបស់អ្នក និងហានិភ័យចំពោះការវិវត្តទៅជាជំងឺញៀនគ្រឿងស្រវឹង (AUD)។ យ៉ាងណាមិញ វាគ្រាន់តែជាការណែនាំប៉ុណ្ណោះ ហើយមិនអាចចាត់ទុកថាជាការធ្វើរោគវិនិច្ឆ័យផ្លូវការបាននោះទេ ប៉ុន្តែក៏អាចធ្វើឱ្យអ្នកយល់ដឹងកាន់តែច្រើន និងចង្អុលបង្ហាញបានត្រឹមត្រូវសម្រាប់អ្នកចង់ទទួលបានជំនួយ។ ៤.‌១ តើការពិសាគ្រឿងស្រវឹងដែលមានហានិភ័យមានន័យដូចម្តេច? ការពិសាគ្រឿងស្រវឹងហួសកម្រិត ឬពិសាទាំងដែលត្រូវតម នោះនឹងអាចបង្កើនហានិភ័យទៅជាការរងរបួស និងកើតជំងឺ។ ការពិសាគ្រឿងស្រវឹងហួសកម្រិត ក៏បង្កឱ្យមានហានិភ័យវិវត្តទៅជាជំងឺញៀនគ្រឿងស្រវឹង (AUD) ផងដែរ។ ស្ថានភាព​របស់​អ្នក​កាន់តែ​ធ្ងន់ធ្ងរ អ្នក​នឹង​កាន់​តែ​មិន​អាច​ឈប់​ពិសា​គ្រឿងស្រវឹង ហើយ​អ្នក​អាច​នឹងកាន់តែ​ចង់​ពិសា និង​មានអារម្មណ៍មិនសុខ​ពេល​អ្នក​មិន​បានពិសា។ [i] អ្នកដែលមានជំងឺញៀនគ្រឿងស្រវឹង ប្រហែលជាមិនអើពើពីទំនាក់ទំនងក្នុងជីវិតរបស់ពួកគេនោះទេ ពោលគឺផ្តោតលើតែការពិសាគ្រឿងស្រវឹង។ ទំនាក់ទំនងទាំងនោះរួមមាន ទំនាក់ទំនងជាមួយមនុស្សជុំវិញខ្លួន ការងារ… Continue reading តើការពិសារបស់អ្នកមានគ្រោះថ្នាក់ប៉ុណ្ណា?

ទំព័រដើម >> ពិសាគ្រឿងស្រវឹងក្នុងកម្រិតមធ្យមដើម្បីសុខភាព ពិសាគ្រឿងស្រវឹងក្នុងកម្រិតមធ្យមដើម្បីសុខភាព នៅលើអត្ថបទនេះ 3.0 សេចក្តីផ្តើម 3.1 ការពិសាស្រាកម្រិតសមរម្យ និងសុខភាព 3.2 របៀបបន្ថយការពិសារបស់អ្នកមកកម្រិតសមរម្យ 3.3 ការជ្រើសរើសការទទួលខុសត្រូវ សាកល្បងចំណេះដឹងរបស់អ្នក ៣. សេចក្តីផ្តើម បើតាមបែបវិទ្យាសាស្រ្ត មនុស្សពេញវ័យភាគច្រើនដែលជ្រើសរើសពិសាគ្រឿងស្រវឹងក្នុងកម្រិតមធ្យមអាចជាផ្នែកមួយដែលធ្វើឱ្យជីវិតរស់នៅប្រចាំថ្ងៃ មានសុខភាពល្អ។ សរុបមក អ្នកពិសាគ្រឿងស្រវឹងកម្រិតមធ្យមយ៉ាងហោចណាស់ក៏អាចរស់នៅបានយូរដូចអ្នកដែលមិនពិសាដែរ ហើយពួកគេមានហានិភ័យទាបចំពោះជំងឺទូទៅ។ គន្លឹះសម្រាប់ការឆ្ពោះទៅរកការពិសាគ្រឿងស្រវឹងក្នុងកម្រិតមធ្យមគឺការដឹងច្បាស់ថាតើអ្នកបានពិសាច្រើនប៉ុណ្ណា និងដឹងពីដែនកំណត់របស់អ្នក ហើយក៏សំខាន់ផងដែរក្នុងការដឹងថាតើពេលណាមិនគួរពិសា។ ការពិសាគ្រឿងស្រវឹងក្នុងកម្រិតមធ្យម ក៏មានន័យថាជាការយល់ដឹងពីផលប៉ះពាល់ពីការពិសារបស់អ្នកទៅកាន់អ្នកដែលនៅជុំវិញខ្លួន។ ផ្នែកនេះផ្តល់នូវចំណុចមួយចំនួនដើម្បីឱ្យអ្នកចងចាំនៅពេលសម្រេចចិត្តពិសាគ្រឿងស្រវឹង មិនថាជាការពិសាក្នុងជីវិតប្រចាំថ្ងៃ នៅពេលអ្នកចេញទៅក្រៅ ឬក្នុងឱកាសពិសេសណាក៏ដោយ។ ៣.១ ការពិសាគ្រឿងស្រវឹងក្នុងកម្រិតមធ្យម និងសុខភាព ការសិក្សាអំពីគ្រឿងស្រវឹងបានរកឃើញថា ការពិសាគ្រឿងស្រវឹងកម្រិតមធ្យមអាចជាផ្នែកមួយដែលធ្វើឱ្យមានសុខភាពល្អសម្រាប់មនុស្សពេញវ័យដែលមានសុខភាពល្អភាគច្រើន។ [i][ii] ជាមធ្យម អ្នកពិសាគ្រឿងស្រវឹងកម្រិតមធ្យម រស់នៅយ៉ាងហោចណាស់បានយូរដូចមនុស្សដែលមិនពិសាគ្រឿងស្រវឹង ហើយអាចមានហានិភ័យទាបចំពោះការវិវត្តទៅជាជំងឺសរសៃឈាមបេះដូង ជំងឺដាច់សរសៃឈាមខួរក្បាល និងជំងឺទឹកនោមផ្អែម។ [iii][iv] ជាទូទៅ ហានិភ័យរបស់បុគ្គលណាមួយអាស្រ័យទៅលើកត្តាជាច្រើន មិនត្រឹមតែអាស្រ័យលើការពិសាគ្រឿងស្រវឹងប៉ុណ្ណោះទេ ហើយប្រសិនបើអ្នកមានសំណួរអំពីឥទ្ធិពលនៃការពិសាគ្រឿងស្រវឹងចំពោះអ្នកជាក់ស្ដែង សូមពិគ្រោះជាមួយគ្រូពេទ្យជំនាញ។ [i] Mostofsky, E. et al.… Continue reading ពិសាក្នុងរបៀបរស់នៅដែលមានសុខភាពល្អ